Илимий ачылыштар

Автор: Кудайбергенова Н.А.
магистр Кыргыз мамлекеттик курулуш, транспорт жана архитектура университети г. Бишкек

КЫРГЫЗ РЕСПУБЛИКАСЫНЫН УЛУТТУК КООПСУЗДУК МАМЛЕКЕТТИК КОМИТЕТИНИН ЧЕК АРА КЫЗМАТЫНЫН АСКЕР КЫЗМАТКЕРЛЕРИНИН ТУРАК ЖАЙ УКУКТАРЫН АДМИНИСТРАТИВДИК-УКУКТУК КАМСЫЗДООНУН КӨЙГӨЙЛӨРҮ

Негизги сөздөр: административдик укук, турак жай укуктары, кызматтык турак жай, УКМКнын Чек ара кызматы, социалдык кепилдиктер, нормативдик жөнгө салуу.

Аннотация. Макалада Кыргыз Республикасынын Улуттук коопсуздук мамлекеттик комитетинин Чек ара кызматынын аскер кызматчыларын турак жай менен камсыз кылууну административдик-укуктук жөнгө салуунун негизги көйгөйлөрү кызматтык турак жайларды берүү тартибинин өзгөчөлүктөрү жөнүндө колдонуудагы Жобону талдоонун негизинде изилденет. Турак жай укуктарын ишке ашыруунун укуктук механизмдери комплекстүү каралып, административдик органдардын дискрециялык ыйгарым укуктарына, кызмат ордун которууда жана кызматтан бошотууда жетишсиз кепилдиктерге, ошондой эле мамлекеттик турак жай программаларына катышуудагы көйгөйлөргө байланышкан актуалдуу административдик-укуктук тоскоолдуктар аныкталган. Аскер кызматчылардын турак жай укуктарын камсыз кылуунун административдик-укуктук механизмин өркүндөтүү боюнча практикалык сунуштар берилген.